Roch the win i the clear day's dawin
Blaws the clouds heilster-gowdie owre the bay
But thair's mair nor a roch win blawin
Thro the Great Glen o the warl the day
It's a thocht that'll gar oor rottans
Aa thae rogues that gang gallus fresh an gay
Tak the road an seek ither loanins
Fir thair ill-ploys tae sport an play
Nae mair will our bonnie callants
Merch tae war whan our braggarts crousely craw
Nor wee weans frae pitheid an clachan
Mourn the ships sailin doun the Broomielaw
Broken faimlies in lans we've hairriet
Will curse 'Scotlan the Brave' nae mair, nae mair
Black an white ane-til-ither mairriet
Mak the vile barracks o thair maisters bare
Sae come aa ye at hame wi freedom
Never heed whit the houdies croak for Doom
In yer hous aa the bairns o Adam
Will fin breid, barley-bree an painted room
Whan MacLean meets wi friens in Springburn
Aa thae roses an geeans will turn tae bloom
An a black lad frae yont Nyanga
Dings the fell gallows o the burghers doun.
credits
from Transition,
released June 7, 2011
Lisa Rigby - vocals, guitar; Stuart Clark - cajon; John Farrell - bass, electric guitar
The second EP from Northern Irish singer-songwriter Bea Stewart runs from gentle folk to pillowy pop ballads, all perfectly executed. Bandcamp New & Notable Apr 15, 2024
Stirring Americana set to acoustic arrangements and topped by the legendary Alice Gerrard’s lovely, world-wise voice. Bandcamp New & Notable Oct 23, 2023
Michelle Stodart’s folk music captures hope in melancholy, addressing the transformational aspects of the most challenging times. Bandcamp New & Notable Oct 3, 2023